LEENCI ROORRIFAMEE MIRGA ISAATII CAPHE TAKKAA OBSEEN TEENYE EEGA MIRGA ISAA DHABE.
Oromoon eega roorrifamee bilisummaa fii biyya isaa dhabe jaarraa tokkoo ol dabree jira warreen gabrummaa tana osoo ijaan agarruu duuyda shiireeysinee jalatti hin bullu je’e kaaniis hidhame kaaniis du’ee kan hafan ammoo qe’ee isaa irraa buqa’uudhaan biyyoottan addunyaa mara irra faffaca’anii jirachuun isaa beekkamaadha. haaluma kanaan baqattoonni Oromoo kan magaalaa guddoo Swedin Stokholm keeysa jiraataniis hawaasa diddaa gabrummaa irraa biyya isaanii jaalatamtuu dhiisanii bahan keeysaa tokkoo dha. kanarraa ka’uudhaan Hawaasni Oromo kan Swedin keeysa jiraatan dhiheenya kana roorroo ummata keenya kan biyya keeysa jiraatan irratti cimaa dhufe balaaleeyfachuudhan hiriira nagayaa magala Stokholm keeysatti bifa ballaadhaan gaggeeysanii jiran. Mormiin isaan hiriira kana gubbatti dhageeysisan keeysaa qaphxiileen hangi tokko akka armaan gadi kana taha.
1. Hawaasni muslimoota Oromoo tii fii muslimoonni sabaa fii sablammoota adda addaa kan gaafii herraa gaafatanii deebisaan isaanii hidhaa taate marti gad haa dhiifaman akkasuma gaafilee isaaniitiif deebisaa haa argatan.
2. Hidhamtoonni Oromoo kan sababa siyaasaatiin shakkamanii hidhaa jiran gad haa dhiifaman,
3. Ijaarsa hidha laga abbaay sababeeyfachuudhaan horiin hawaasa irraa saamama jiru akka dhaabbatu.
jechuudhaan mormii isaanii guutuu addunyaarrattii fii massmidiyaalee gara garaa akkasuma qaama dhimmi laalu maratti dhageeysisanii jiran.
LEENCI HAQA ISAA DHABE RAFEE HIN BEEKU HALKANII GUYYAA FALMEE HANGA HAQA ISAA GONFATUU GALEE HIN TAA’U!!!!
dhaadannoo ju’uun hiriira isaa kan guyyaa kanaa xumuree jira.
Galatoomaa
No comments:
Post a Comment