Ani Eenyuu?

Beekan Gulummaa Irranaa | Ebla 17, 2014

Galaana yaadaa kan kuufama beekumsaa hammaaraan nan dandeenyedha. Madda falaasamaafi argannoo haaraati ani. Anumarraa funaananii anumaan funaannatu. Maamiltootakoof kabaja guddaan qaba. Lafa garaansaanii ga’uu fedheen isaan gaha. Dheebotaan beekumsa kan madda taliilaa budduqfachuu barbaaduuf galaana badhaadhummaa kan namni hanga ammaa bira hin geenyeen walitti maamiloomsa.

Riqaa walsimsiisa dhaloota lufaniif ammaa ‘neetwoorkii’ jabanaa kana kanan ittiin caaluuf ga’umsa dugduuba deebi’ee seenaa jijjigsee guuree as fiduu danda’uukooti. Akka qabaa qeerransaatti kan naqabateef duubakoo miti keessakoo gingilcheen itti agarsiisa. Calaqqee doofummaa irraa dhidhima buuseen biiftuu qaroominaan irratti finiinsa. Nasochoosan malee hinsocho’u. Du’aa fakkaadhee ciiseen jiraataa ta’ee balali’a. Takka baallee baaseen takkammoo qoochoo baaseen burraaqa. Lubbuu qaba; hinqabus. Kan natti dubbatetti nan dubbadha; kan naan oodetti oodnaa addaan ‘xilliq’ itti godha. Ofitti naqabnaan nan qabamaaf; ofirraa nadhiibnaanis hindirqamsiisu. Madda hojii uumuu…fooyyessituu jireenyaati ani. Malkaa seerriifi heerri keessaa waraabamu ta’een gumaachikoo akka yaa’aa laga Mormor…kan laga dhidheessaafi laggeen Bishooftuu kallattii maraanii…lafa jalqabbiif dhaabbiinkoo kan bira hingahamnedha.

Ani malkaa Irreessaafi ciisa yaada ilma namaati. Burqituu yaada namaatu muummee muuxannootii ol burqee bilchina sammuun gabbatee, onnee dhisee manii dhoosee madda maddisiisee margisiisuun malkaa ta’ee ciisa. Burqituutu walcoree yaa’ee wal haree malkaa obaa ta’a. Malkaan obaa bakka ciisa bishaanii horiin irraa dhugudha. Ani kuufama beekumsaafi muuxannoo kan sammuun irraa sooratudha. Kan hayyuun kalaqamee wallaalaan unatudha. Kan wallaalaan ittiin beekee, dardarri ittiin dammaqudha.

Susukkuumameen dhidhiibameen qaqqajeelfameen bilchaadha malee, amma daakamee ammuma bukeeffamee ammuma eeleerratti dhoobamee sooraaf hin ta’u. Amma shooqamee ammumammoo mooqamee akka caarigiifi beeniitti nyaataaf hindhiyaadhu. Garaa obsaaf miidhame keessaa burqaa dho’e; lafee cabeef sanyii dho’e keessaa miciree; garaa lafaa bokoke keessaa albuuda; dhaloota garboomfatame keessaa muudama…animoo?

Ani meeshaa jabaadha; nan madeessa nan madeessisas; gargaran ciccira; anumatu deebisee hodhaaf;…gaara nandadayyaasa; walirran qaqaxxamursas. Muuxannoo kumaatamootaan iddoo tokkotti ukkaamseen miliyoonotaaf bittimsa. Akka biiftuu diimattee ifashee samii salganirra finiinsaa jirtuuttan Goolee ardii hundumaa keessan jiraadha. Mana moototaas sodaadhee hinbeeku. Harka gurguddootaa keessatti nan bareeda. Hamma isaan nabaatanan baadha; hammuma isaan nakabajanan kabajaa jiraadha; qaroo qaree qara baasuun hojiikoo yoo ta’u, nama harkaan of doofomsetti kolfaatan oola. Ani maqaan qaba maqaa boonsaa kan dhuunfaakooti; namni biraan garuu maqaa isaaf mijatu maraan nawaamuun mirgasaati!

Ana biratti madaa’uufi madeessuutu madda ta’ee tajaajila. Cabsamuuf cabsuutu godaannisa ta’ee mul’ata. Oduu ta’ees dubbatameen seenaas ta’ee gadhiifama.Yookiin ammoo gadaa darbe abjoodheen, akka hoodduu yookiin qaalluu kan egeree manaabaa qaqqabuun galmeeffamee kuufama. Sanumatu ammoo hurrii ta’ee aaree, duumessa ta’ee samii gadii aguugee shora yookaan tiifuu ta’ee dhahaa rooba. Bokkaa ta’ee yandisa. Garba ta’ees yaa’ee ciisa. Achii ka’ees addunyaaf bubbisa; dheebotaas dheebuu baasee kan of dagate dammaqsa. Anumti kun quunnama ilma namaa guyyaa guyyaatti dura galmeessee kuuseen ragaalee addaa addaanis isa kuuse tumseen yeroon bilchaadhee akka burtukaana coomee ta’uun soora fooniif dhiiseen soora sammuu ta’a. Dhimbiibameen yookaan sukkuumameen dhadhaa of keessaa jijjigsa; nadhii ta’ee coccobeen koomtoo ta’ee diimadheen of keessaan booka firfirsa. Waliin rigameen walittis buufameen abidda tufa. Abiddan of keessaa tufuun kaan bilchaatee hogganaa gaarii ta’a; kaan ittiin gubatee danqamaa dheedhii ta’a. Kanaafan maqaankoo kumaa kitila ta’ee akkaafi akeeka owwaannaatu naharkaa babbada. Akeekkannaafi of eeggachiisnikoo gorsa hangafaafi hayyuu caala waan ta’eef namaan hinnuffamu. Sigorseera jedhees gatii nama harkaa barbaadee hinbeeku; hinbarbaadus. Gatiitti shallagamu ammoo faayidaan kennuuf gatiin naaf kaffalamu tasuma walsima jechuun soba dubbiiti.

Haqa irratti hundaa’ee yookiin ammoo nita’e jedheen funyoo mannaabakoon asiif achi yaasa. Takka gudunfameen takka ammoo hiikama. Takka ijaarameen takka ammoo diigama. Haaluma kanaan egaa xiyyeeffannaakoo adda baafadheen, quunnamakoo galmeesseen kuusee ragaan tumseen yoona kana akka rasaasa diddaa garbummaan xaxxaaxa’a. Booda ammoo yaada tartiibaan galmeeffatameen mirkaneeffannaa abjuukoo faana hafuura ciccitaa sussuka. Adeemsa qocaa miti saffisa ifaanan utaala. Ciniinsifachaa guyyaa da’umsaakoo eegeen gaafa yeroon geesse, ija foonii osoo hinta’in ija sammuu ilma namaa baneen kalaqa argannoowwaniif qopheessa. Yoona kanan akka ayyaanaa irraa waa hima. Inni duraawoo quunnama galmeessuufi kuusuudha; manaaba diriirsuu, muuxannoo gabbisuufi yaada gurmeessuufi tumsuu. Amma immoo soofee walqixxeessee bocee mimmiidhagseen maqaa boca isaa kan duraatti moggaaseen yoona kana ifa baasa; eelan qabus ittiinan futtaafadha…

Umurii dheeraa jiraachuu danda’uunkoo kaanirraa adda nagodha. Akka guulaa jaarsaa kan darbe as fideen yeroon dhaloota haaraatti lallabu yoona kana ka’umsaafi taa’umsa dhabeen hadamfama. Keessaaf duubaan ciccirameen kaaniif ammoo dungoo ta’een banbana. Ani galaana hubannaa waanan ta’eef waraabamees ta’ee waraabsifamee bira hingahamu.
Walitti qabaatti ani akkasumaan ka’ee kuruphisee malkaa hinta’u. Tatam’isees hindaa’imu. Akka shooraa yandisee akka burqituuttiin bubbisee galaana ta’ee ciisa. Dheebotaan dhugee dheebuu ba’a; xuraa’aan ittiin qulqullaa’a. Karaa deemaan ededakoorra boqota. Kan qofaa ta’e ammoo nigalateessa. Warreen qareeyyiin malkaakootti irreeffatu; maddakootti kan dhibaafatan ammoo kumaaf kitila. Ani malkaa irreessaa kuufama mudannoo jireenyaati! Ogeessa qareen qara baasa; bulchitootaafi oggantootaaf qajeelfama. Nama natti firoomeef obboleessa gaariidha. Ani daawwitii jireenyaa kan dhalli namaa ittiin keessatti of ilaaludha yoon ofiin jedhe akka malee of gurguddisuukoodha miti. Anumti eenyu? eenyu jettanii maqaa naaf baaftanii? hariiroon ani isin faana qabu akkamidha? mana keessan keessaa naqabduu? hammuma meeshaalee biroo kan mana keessan keessa guuttattanii qabdan sanaa ga’uu dadhabeen mana keessan keessaa dhabamuunkoo sababa maaliifi? utuu beektanii duuba waan isin hortaniifi qabdaniin booda anumatu dhaabataam! Ani eenyu?

Ani maaliin of ibsuu eenyummaakoo diigee
Hidhannookoo qabee sabbatakoo hiikee
Samirraa kaadheemoo miillumakoon fiigee
Dafqa coccobseemoo onneekoorraa dhiigee…?
Garraamii fakkaadhee nan ciisa iddoo hundaa
Barbaacha dhabuukoof yeroo hunda nan aada
Meeshaa gatii jabaa, mi’aa akka albuudaa
Qomatti nabadhaa warreen saba guddaa
Ani eenyu jedhee isin gaafachuunkoo
Singidirsuuf miti egaa michootakoo
Sintaasifachuufani hordoftootumakoo
Sichiif nahubaadhaa ‘KITAABAA’ maqaankoo!

*****

Beekan Gulummaa Irranaa

=>ayyaantuu

Gaaffii Mirgaa Barattoota Oromoo Yuuniversitii Adaamaatiin Har’a Ebla 16 Dhiyaate! FDG Itti Fufe!

Gabaasa Qeerroo Yuuniversitii Adaamaa Ebla 16,2014

Qeerroo yuuniversitii Saayinsii fi Teknoloojii Adaamaa irraa Ebla 16 gabaasa dhiyaatuun barattootni oromoo mooraa yuuniversitii Adaamaa keessatti argaman cunqursaa fi miidhaa mootummaan wayyaanee uummata oromoo irratti gaggeessa jiru dura dhaabbachuuf akkasuma weellistoota nafxanyaa sirnaa fi kaayyoo isaan sammuu isaanii keessaa qaban bakka dhabamsiisuudhaaf ifatti gaaffi mirgaa qabachuudhaan guyyaa haraa Ebla 16 hiriira adeemsisuu irratti kan argaman gabaasni isaanii addeessa.

Akka madda gabaasichaatti wal duraa duubaan moorichatti kan adeemsifame barattootni oromoo dursanii hiriira bahuudhaaf waraqaa adda addaa maxxansanii jiru,hiriira as bahuudhaa asitti jaleewwan diinaaf dalagan kan moorichaatiin qindoominni kun jiraachuu isaa hanga hundee mootummichaatti odeeffannaa dhaamuudhaan waraannii fi dhimmoonni nageenyaa osoo hin hafin mooraa yuuniversitii Adaamatti wal gahanii oolan,kun dursee barattootni oromoo hiriira bahuun dura, yaada gala laaffessaatiin gara barattootaatti bakka wal argee barattootaa Amfii Tiyaatir jedhamutti barattoota oromoo mara walitti qabuudhaan gaaffii qabdan hundumaa osoo hin hambisin tokko lamaan isin keessumsiisnaaa nuuf dhiyeessaa kan jedhan waajjiraalee dhimma nageenyaa fi poolisoota oromiyaa walumaa gala kaabinoonni wayyaaneedhaa hafuura tasgabbii qabu gaaffii dhiyeessitan hunda nuti fuunee deebii isaa itti kennina jedhuun barattoota hunda irraa akka armaan gadiitti gaaffii isaanii funaannatanii oolan, gaaffii barattootaa wal duraa duubaan:-

1. Ammatti utuu iji keenya arguu suurawwan habashootaan maxxanfame mooraa kana keessatti suuraa Minilik bakka jiru hunda irraa haa buqqau kan jedhu gaaffiin dhiyaate kunis kallattumaan osoo barattootni ilaalanii presedaantiin moorichaa mooraa keessa deemuudhaan suurawwan minilik buqqisanii jiru,kun gaaffii barattootaa hatattamaan deebieedha.
2. Manni maxxansaa yeroo ammaa gabaa irratti kitaaba Inqu jedhamu tamsaasaa jiru kun amma irraa kaee akka dhaabbatu tahuu baannan lubbuu baayeen itti bahuun isaa waan hin oolleedha kan jedhu gaaffiin dhiyaate ammo yeroo gabaabaa keessatti furmaata isaa argitu jedhame,
3. Siidaan minilik magaalaa Finfinnee keessaa diigamee siidaan gootota oromoo wareegamanii nuuf haa ijaaramu kan jedhuufis qaamonni wayayanee dhufanii gaaffii kana fudhatan itti walii galanii waadaas seenanii jiru,
4. Lafti oromoo duraan gurguramaa tureera, ilmaan oromoo hedduun kanaan rakkinatti galee waan nyaatu dhabee lafti qabu dureessa wayyaaneef kennamee jira,yeroo gabaabaa keessatti lafti oromoo gurguramee jiru haa deebiuuf beenyaa gahaan kennamuufii qaba,yeroo dhiyoo keessatti deebii kanaa isin irraa eegna,
5. Lafti oromoo maaliif abbaa qabeenyaaf kennama utuu jennu ammo naannowaan Finfinnee federaala jala galchina jettu,kun gonkumaa tahuu hin qabu,amma jala murree isinitti himna, kun taee argamnaan barataan kamuu qabsootti seena,barumsas hin barannu,amma irraa kaaatii nu hubadhaa nu fixuuf yaaddu yoo tahe ammuma nu fixaa irra deebinee jenna naannowaan Finfinnee federaala jala galuu hin qabaniin maqaa tokkummaa barattoota oromoo yuuniversitii saayinsii fi teknoloojii Adaamaatiin murtoo keenya dhiyeeffanna.
6. Barataan oromoo yakka tokko malee barumsa irraa ariyamee qabamee hidhamee,kan barate ammo hojii dhabee jireenya gaddisiisaa daandii irra bulaa deemu kun amma irraa furmaatni itti haa godhamu kan hidhame haa bahu,kan ariyame barumsa isaatti haa debiu,kan baratee hojii dhabee jiruuf hojiin haa kennamu.

Kan jedhuun barattootni oromoo mooraa kana keessatti guyyaa guutuu barumsa osoo hin jedhin gaaffii mirgaa kaasuudhaan iyyaa oolani, guutummaa guututti qaamni ABO jiraachuu waan shakkaniif akka waan hidhataa ykn waraanni WBO mooraa keessa jiruutti ijoollee oromootu dubbii kaase jedhuun waraanaa fi poolisoota isaa mooratti ramadee jira,kun ganama saa tokko irraa kaasee hanga galgala keessaa saa 2 tti ture,basaastonni wayyaanee moorichatti ramadamanii jiru,barattoota fakkaachuudhaan mooraa keessallee bulanii jiru kan jedhus gabaasni dhiyaate addeessa. Ija kaabinoota wayyaanee duratti barataa huccuu suuraa minilik uffatee jiru kan ittiin dhaadatu irraa baasuudhaan gubanii qullaatti hambisanii jiru,kana irratti kaabinnoonni waltajjii san irra ijaajjanii walgayii kana gaggeessan naasuudhaan afaan qabatan,kunis tokkummaan barattoota oromoo akka cimetu isaaniif ife,kanumaan kan wal qabate yuuniversitii hawaasattis gaaffiin mirgaa dhiyaachuuf barattootni oromoo ijaarsa gaarii irra akka jiran gabaasni addeessaa jira, haalli jiru itti fufee gabaasa irratti dhiyaata.

=>qeerroo

Ibsa ABO | The OLF Condemns the Acts of Ethnic Cleansing in Finfinnee

The OLF Condemns the Acts of Ethnic Cleansing Perpetrated Against the Oromo People by the TPLF-led Regime in Finfinnee (Addis Ababa)

PRESS RELEASE
16th April 2014

We are gravely concerned that the Tigray People’s Liberation Front-led (TPLF) regime has, once again, intensified its policy of cleansing the Oromo people from Finfinnee, the capital city of Oromia, and the surrounding districts.

The regime first created the so-called Oromia Special Zone in 2008 and since pursued a relentless systematic removal of the indigenous Oromo people from their ancestral land in the name of “land for investors”, with the sole purpose of forcefully usurping and controlling Oromo land and resource.

The Oromo towns including Akaki, Bonsa, Burayu, Chaffe, Chancho, Dukam, Galan, Holata, Mojo, Mulo, Sabata, Sandafa, Sululta, and Walamara, which the regime has brought under the administration of the “Special Zone”, are scattered along the four main gates to and from the capital in the range of 25Km to 50Km from the capital city.

The regime has launched its most recent atrocity under the guise of “Addis Ababa and the Surrounding Oromia Integrated Development Plan Project” and annexed the aforementioned towns from Oromia. The regimes’ long-term sinister strategic plan is to surgically remove Finfinnee and the surrounding from Oromia and annex it to the neighboring Amhara state and deprive Oromia of its vital economic and political capital when Oromia eventually becomes an independent country.

Having compulsorily and illegally evicted the Oromo people from areas surrounding their capital city, and now removing a huge landmass and vital strategic towns away from Oromia, the regime has — as it did in 2004 when it imprisoned, killed and exiled over 350 Oromo students for opposing the eviction of Oromo institutions from their capital city — provoked the Oromo youth to rise up and protest. Now it will use this as pretext to dismiss Oromo students from universities, imprison them, and send them into exile en masse.

The TPLF regime and its collaborators need to understand that the land taken from the Oromo people will be returned to its lawful owners sooner or later.

The regime has been waging state terrorism against the Oromo people to suppress their protest against eviction from their homeland and confiscation of their farmlands. It has imprisoned tens of thousands of them for their objection to its apartheid-like educational policy and for their demands of political rights and the right of self-determination for the past two decades. Numerous reports from credible regional and international human rights organizations confirm that the TPLF considers all socially and politically conscious Oromo nationals as enemies, and that it targets them as such.

There has been no regime that has pushed the Oromo people harder than the TPLF in their history. They are being pushed to the limit by the brutalities of the regime and have no alternative but to rise up in unison. Hence, the current TPLF-led regime needs to be reminded that its premeditated human rights abuses and dehumanization of the Oromo people constitute a recipe for a disastrous civil war.

The OLF believes the TPLF must be stopped. The OLF will do all in its power to strengthen its struggle against the regime. We will also renew our call to our people to stand shoulder to shoulder and strengthen our unity to defeat the enemy and guarantee the survival of our nation.

Oromia shall be free!

Oromo Liberation Front

Addi Bilisummaa Oromoo Mootummaan Wayyaanee Oromoo Finfinnee fi Naannoo Keessaa Haxaayee Baasuuf Itti Jiru Ni Balaaleffata

16 Ebla 2014

Mootummaan Itoophiyaa Adda Bilisummaa Uummata Tigraayiin (Wayyaaneen) gaggeeffamu magaalaa guddittii Oromiyaa, Finfinnee fi magaalota naannoo ishee jirani irraa Oromoo haxaayee baasuuf imaammata qabu itti fufuun isaa hedduu yaaddessaa ta’ee jira.

Mootummaan Wayyaanee jalqaba bara 2008 keessa godina addaa Oromiyaa kan jedhu uumuun Oromoota akaakayyuu fi abaabayyuun laficha irra jiraataa turan buqqisuun shiraan maqaa ’misooina’ jedhuun lafa Oromoo humnaan saamee towannaa isaa jala galchee jira. Finfinnee irraa km 25 – 50 irratti kan argaman magaalonni akka Aqaaqii, Boonsaa, Buraayyuu, Caffee, Caancoo, Duukam, Galaan, Hoolota, Moojoo, Muloo, Sabbata, Sandaafaa, Sulultaa fi Walmaraa bulchiinsa godinoota addaa Oromiyaa jedhamu jalatti yeroo ammaa kana dhuunfaa mootummaa Wayyaanee jala jiru.

Akka hammeenya mootummaan Wayyaanee caalaatti yeroo dhihoo kana jalqabee jiruutti aguuggii ’Finfinnee fi Karoora Qindoomina Proojektii Guddina Misooma Naannoo Addaa Oromiyaa’ jedhuun magaalota arman ol maqaan ka’e Finfinneetti maxxansuuf yaalaa jira. Akeekni kanaas Finfinnee fi naannoo ishee Oromiyaa irraa kutuun bulchiinsa isaa biyyoota ollaa kan akka Amaaraan walitti dabaluun fuulduratti siyaasaa fi hawaasummaa Oromiyaa walaba taatu xiqqeessuuf akka ta’e hubatamaa dha.

Mootummaan Wayyaanee Oromoota naannoo magaalaa guddittii isaanii taate Finfinnee jiraataa turan dirqamaa fi seeraa ala buqqisaa turee amman tana ammoo lafuma isaanii kanaa fi magaalota beekamoo naannoo Finfinnee Oromiyaa irraa kutuun Finfinneettan dabala jechaa jira.

Mootummaan TPLF kun bara 2004 keessas akkuma kana dhaabbatoota Oromoo Finfinnee irraa buqqisuuf yeroo tattaafataa ture barattoota Oromoo sadarkaa olaanaa gocha kana morman 350 ol ta’an hidhuu, ajjeesuu fi biyya irraa akka godaanan godhe ture. Ammas barattoota Oromoo University tuttuquun akka isaan mormii kaasan gochuun hedduminaan barumsa irraa akka arihataman, mana hidhaatti akka guuraman akkasumas biyya irraa gara biyya alaatti akka godaanan gochuuf kan yaadame dha.

Mootummaan Wayyaanee fi warri isa waliin tumsa qaban oolee bula malee lafti Oromoo seeraan abbaa lafaa kan ta’e Oromootti akka deebi’uu danda’u beekuu qabu.

Mootummaan kun Oromoon dache isaa irraas ta’e qonnaa isaa irraa yommuu buqqa’u akka hin iyyanneef ykn hin mormineef ’seera shororkeessituu’ baafatuun ittiin gadi qabaa jira. Kana dura waggoota kurnan lamaan darban keessa imaammata barumsaa kan seera ’aparteid’ fakkaatuu gadi hinjirre mormuuf, gaaffii mirga siyaasaa fi mirga hiree ofii ofiin murteeffachuu gaafachuuf barattoonni kumaatamatti lakkaa’aman sochii waan godhaniif mana hidhaatti guuraman. Akka gabaasota dhabota mirga dhala namaa Addunyaatti, Wayyaaneen siyaasaanis ta’e hawaasummaan Oromoota eenyumaa isaanii irratti dammaqiinsa qaban irratti xiyyeeffachuun akka diineffatee jiru ragaa bahu.

Seenaa cunqursootaa keessatti kan akka Wayyaanee uummata Oromoo irratti dhiibbaa guddaa godhe hin turre. Kanaaf uummatni Oromoo tokkummaan ka’ee qabsoo isaa jabeessuu malee fala biraa hinqabu. Mootummaan Wayyaanee kan beekuu qabu qeyee isaa irratti mirga uummata Oromoo jeequu fi namummaa isaa xiqqeessuuf gocha itti jiru kana irraa yoo of hinqusanne ummatoota biyyattii gidduutti wal waraansi akka ka’uuf karaa banaa akka jiru dha.

Wayyaaneen gocha uummata Oromoo irratti raawwataa jiru kana irraa dhaabamu akka qabu Addi Bilisummaa Oromoo itti amana. ABOn qabsoo mootummaa Wayyaanee irratti godhu karuma fedheen iyyuu ciminaan itti fufa. Uummanni Oromoo tokkummaan harka walqabatee qabsoo isaa jabeessuun diina isaa injifatee abbaa biyyummaa isaa akka mirkaneeffatuuf irra deebiin waamicha keenya haaressina.

Oromiyaan Ni Bilisoomti!

Adda Bilisummaa Oromoo

=>gadaa

Ethiopia’s anti-terror law suppresses press freedom

The African Freedom of Expression Exchange (AFEX), a continental body of African free expression organizations, condemned the 27-year sentence imposed by Ethiopia on veteran Somali journalist, Mohamed Aweys Mudey.
Ethiopian prosecutors accused Mudey of having information about Al-Shabab operations in Ethiopia and charged him with participating in terror activities. 

Mudey, who was persecuted under Ethiopia's anti-terror law, was arrested in Addis Ababa in November 2013.

The repressive anti-terrorism law, adopted in 2009, is a threat that continues to hang over journalists, forcing them to censor themselves. 

Opposition says the government has been criminalizing Ethiopians who express their opinions about government policies ever since. They also say Addis Ababa must clarify its broad definition of terrorism. 

However, the government says the opposition is seeking to glorify convicted terrorists and is “downplaying the danger” Ethiopia is facing as a result of terrorism. 

According to the New York-based independent Committee to Protect Journalists, over ten journalists have been charged under the anti-terrorism law. The committee says Ethiopia has the highest number of exiled journalists in the world. 

Human rights groups accuse Ethiopia’s government of using the country’s anti-terrorism legislation to end peaceful dissent. The Ethiopian constitution, however, guarantees the right to freedom of expression. 

=>presstv