July 22, 2013
>ayyaantuu
Monday, July 22, 2013
Ethiopian dam on Nile raises concerns
| |||
Announcement: Gulale On Air
We are pleased to announce that we will soon be launching Gulale On Air, an interactive media platform that will facilitate discussion on various important political, social and cultural issues of our time. Gulale On Air will be a weekly live show broadcasted in Afaan Oromo ( 1hr), Amharic(1hr) and English (30 min). Content wise, the show will mostly focus on substantive themes in culture, politics, literature and the environment, sometime combined with brief commentary on news items relevant to the topic of the day.
The format is intended to be audience centered. We plan to do this in two ways. First, the audience will submit topics for each week discussion. Second, the moderator and a guest (s) will briefly discuss the topic during the first quarter of the show, then the forum will be opened up for the general audience to ask question or comment on the topic either by joining in through Google hangout or sending texts via different methods ( facebook, twitter, etc). A link onGulelepost.com will be the main avenue where the show will be available, but we are also working to simulcast it via youtube and ustream. For those who cannot tune in during the live show, we will record and make it available on the archive. While the pilot programs will be limited to internet, we hope and are working towards taking it to satellite and shortwave.
Your involvement starts now. What day and time do you prefer this show to be? And what topic do you choose for the first session?
We look forward towards lively and constructive conversation.
The Facilitators @ The Gulale on Air
Walgahii Ergamtootni Mootummaa Wayyaanee Magaaalaa Edmonton Kanaadaatti Karoorfatan Qabsoo Cimaa Hawaasa Keenyaan Fashaleera!
Adoolessa 22, 2013
Walgahii/maree ergamtootnii fi bakka bu’oonni Mootummaa Wayyaanee waa’ee gurgurtaa boondii hidhaa/jallisii laga Mormoriif magaalaa Edmonton Kanaadaatti gaafa Adoolessa 20 bara 2013 gaggeeffachuuf karoorfatan mormii fi dura dhaaabbannoo cimaa hawaasni Oromoo fi miseensonni hawaasota biroo impaayerittii irraa dhufan taasisaniin fashaluu danda’eera.
Bifa qindoomina, sirna naamusaa fi tartiiba qabuun mormii fi dura dhaabbannoo hadhaawaa hawaasni keenya magaala kanaa fi naannoo ishii jiru adda durummaan of kennuudhaan maanguddoo, shamarran, ijoollee/daa’imman, dargaggoo fi ga’eeyyii otoo hin jedhiin heddumminaan hiriiruudhaan gamtaa fi jabinaan taasiseen walgahiin ergamtootaa fi bakka bu’oota mootummaa abbaa hirree Wayyaanee (Qaama Imbaasii wayyaanee irraa dhufe dabalatee) diigamee fashaluudhaan, konkolaattonni isaan ittiin dhufan yeroodhaaf to’annaa poolisaa jala oolanii, deggersa humna poolisaa fi qaama bulchiinsa magaalichaan Autoobisa magaalaa (City Bus) poolisnii fi bulchiinsi magaalaa qopheessetti fe’amanii karaa boroo/dudduubbee galma walgahichaan hari’amanii baqachuu danda’aniiru. Qabsoon hawaasni keenya guyyaa kanatti godhes kan ergamtoota wayyaanee kana qixxaan mormu qofa otoo hin taane sagalee, gaaffii fi kaayyoo haqa isaa fi uummata isaa qaamni poolisa naannoo, qaamni bulchiinsa magaalaa, fi kanneen biroo dhimmi akkasii ilaalus akka hubatanii shoora karaa isaanii taphatan murannoodhaan ifattti tattaaffii jabaa gochuudhaan gurra hawwatee sagalee isaa haalaan dhaggeessifachuudhaan irra aanuu danda’eera.
Dhimmi mormii kunis qabiyyeen isaa jajjabaa fi bal’aa waan tureef, hawaasni keenyas murannoo fi jabinaan waan dura dhaabbateef humna poolisaa fi naga eegduu heduu akkasumas gurra sabaa himaalee (Mass media) naannoo kanaa haalaan hawwachuudhaan walumaagalatti hiriira mormii keenyaa fi sochii qaamota kanaa dabalatee dirreen galma mormii suni lafti dhiphatee ooleera. Guyyuma kanas TV fi Raadiyoon naannoo jiranis dhimmanii gabaasaa turaniiru.
Ergamtootni kunis akkuma aadaa mootummaa isaanii uummata sobuudhaan sa’aa 3:00wb eegalama jechuun beeksisanii sa’aa 11:00wd irratti eegaluuf waytii isaan sochii godhan haaluma hordofaa tureen irratti qaqqabuudhaan uummatni keenya waliif labsuudhaan battalumatti mormii fi dura dhaabbannoo isaa eegale. Haaluma kanaan sabboontonni hawaasa keenyaa qaamota bifa adda addaan dhimma kana keessatti shoora qabaachuu malan marayyu mormii haqa-qabeessaan hudhanii qabachuudhaan walgahii ergamtootaa kana fashalsiisuun injifannoo seena-qabeessa galmeessisaniiru.
Haalota hedduu nama ajaa’iban keessaa, uummatni keenya obboloonni hordoftootni amantii muusliimaa otoo soomana ramadaanaa irra jiranii daa’imman qabatanii maatiidhaan mirga saba isaanii fi kaayyoo dhugaaf aduu/hongee bonaa keessa bishaanii fi midhaan malee murannoodhaan jalqabaa hanga dhumaatti kaayyoo isaaniif dhaabbachuun isaanii kan baayyee nama hamilchiisudha. Namni keenyas asxaaleefi mallattoolee eenyummaa isaanii ibsan kan akka alaabaa Oromoo, dhaadannoo, suuraalee hidhamtoota siyaasaa keenya, fi kkf qabatanii faayamuudhaan mul’ataniiru. Qindoomina kanas kan gaggeessaa ture sabboontota ilmaan oromoo waliin ta’uudhaan Waldaa Hawaasa Oromoo naannoo kanaati. Innis, gurmuulee akka hawaasa Ogaaden, Waldaa Hawaasaa Itoophiyaa, Waldaa Muusliimota Itoophiyaa (Bilal MuslimCommunity), fi kkf waliin gamtoomuudhaani dha.
Dhaadannoolee dhaggeessifamaa turan keessaa: Boondii gurguruu dura mirga kabajuuti dursa, mirgi uummata keenyaa haa kabajamu, haqni uummata keenyaa haa eegamu, mootummaan Wayyaanee goolessituu dha, saamichi lafaa haa dhaabbatu, hidhamtootni siyaasaa haa hiikaman, hidhamtootni dura buutota amantii Muusliimaa haa hiikaman, mirgi amantii haa kabajamu, hidhaa fi duuti uumata keenya irraa haa dhaabbatu, hayyoonnii fi barattootni keenya haa hiikaman, Oromiyaan ni bilisoomti, fi kkf fakkaatan turan.
Walumaagala sochiin mormii kanaa qabsoo hadhaawaa hawaasni keenya murannoo fi gamtaan taasiseen milkii gaarii fi injifannoon xumuramee jira. Ergamtootni wayyaanees akka walgahiin kuni isaan jalaa fashale, keessummaan isaaniis akka jalaa qaana’e wawwaataa jiraachuun isaanii dhaga’ameera, karaa sabaa himaalees argameera. Teessoo armaan gadii xuquudhaan gabaasaa sab qunnamttii naannoo kanaatiin kan qileessa irra oolee ta’uu hubachuu ni dandeessu.
Dhimma kanaafis hawaasni keenya magaalaa kanaa galata quddaa qaba.
Injifannoon Uummata Oromoof!
Hawaasa Oromoo Edmenten, Kanaadaa
Injifannoon Uummata Oromoof!
Hawaasa Oromoo Edmenten, Kanaadaa
Subscribe to:
Posts (Atom)